MEDIAT DHE DEMOKRATIZIMI NË BALLKANIN PERËNDIMOR: KONFERENCË DHE MUNDËSI PËR TRAJNIM NË SHKUP

0
259

“Mediat dhe demokratizimi i Ballkanit Perëndimor: A po arrijmë qëllimet tona?” – është titulli i konferencës që do të mbahet në Hotel “Karposh” në Shkup më 7 nëntor (e enjte), duke filluar në orën 10:00. Ngjarja organizohet nga Instituti Kosovar për Media dhe Komunikim (IKMK) dhe Instituti Ballkanik për Bashkëpunim Rajonal (BIRC) nga Maqedonia e V.

Gazetarët dhe profesionistët e mediave nga Ballkani Perëndimor do të debatojnë mbi profesionalizmin, përgjegjësinë dhe respektimin e rregullave etike në gazetari, me një fokus të veçantë në bashkësitë etnike.

Gjithashtu, tema e lirisë së shprehjes dhe përmbushjes së kritereve të BE-së do të jetë në fokus të diskutimeve.

Në pjesën e dytë të konferencës do të organizohet një punëtori për gazetarët e rinj me temë “Shpifja dhe autocensura” dhe “Liria e mediave dhe integrimi në BE”. Çdo i interesuar të marrë pjesë në punëtori duhet t’u dërgojë një letër organizatorëve të konferencës:

Personat e kontaktit:

Katerina Topalova – [email protected]

Lorik Idrizi – [email protected]

SHARE
Previous articleRIFORMATIMI I KDP-SË, AGORA E GAZETARISË ANALITIKE
Next articleFILM DOKUMENTAR: SHARRI I BUKURIVE TË RREZIKUARA (VIDEO)
Instituti Ballkanik për Bashkëpunim Rajonal – BIRC është organizatë joqeveritare dhe jopartiake, tërësisht e pavarur në funksionimin e saj, me seli në Tetovë. Organizata angazhohet për promoviminin dhe praktikimin e gazetarisë kualitative dhe hulumtimeve shkencore në realizimin e qëllimeve të saja për një shoqëri me vlera demokratike, për institucione transparente, për një demokraci funksionale dhe për një shtet apo rajon progresiv dhe bashkëpunues. BIRC përfshinë ekspertë të dëshmuar nga fusha e gazetarsisë hulumtuese, e analizave nga të gjitha vendet e Ballkanit dhe më gjerë.